Гвардиола: «Жуда яхши ўйин кўрсатдик»

"Манчестер Сити" бош мураббийи Хосеп Гвардиола жамоанинг Англия Лига Кубоги 1/16 финалидан ўрин олган "Хаддерсфилд Таун"га (2:0) қарши ўйиндан сўнг ўз фикрлари билан ўртоқлашди.

“Жуда яхши ўйнадик, бу менга манзур бўлди. Ҳужумни бошлашда баъзи жиҳатларни кучайтиришимиз керак. Умуман олганда кўрсатган футболимиздан мамнунман. Жонбозлик, тажовузкорлик билан ҳаракат қилдик. Кейинги босқичга чиқдик, бу ажойиб. Энди келаси ўйинга кўпроқ эътибор қаратамиз”, - дея Гвардиола сўзларидан келтиради Sky Sports.

Англия Лига кубогининг 1/8 финалида "Манчестер Сити" сафарда "Суонси" меҳмони бўлади.

Розикжон Султонмуродов

Журналист