Гвардиола: «Умид қиламанки, Фоден фаолиятининг сўнгига қадар «Сити»да қолади»
«Ман Сити» бош мураббийи жамоа вингери ҳақида фикр билдирди.
ФОТО: Getty Images
«Манчестер Сити» бош мураббийи Хосеп Гвардиола жамоа яримҳимоячиси Фил Фоден ҳақида фикр билдирди.
«У бутун фаолияти давомида клубда қолишини жуда истайман. У — ўзига хос футболчи, академия давридан бери “Манчестер Сити” мухлиси бўлиб келади, бунга шубҳа йўқ.
Капитанлик масаласига келсак — агар ўзи хоҳласа, албатта. Майдонда у ҳар доим етакчи бўлган. У кийиниш хонасида кўп гапирадиганлар қаторида эмас, аммо майдонда ҳеч қачон сояда қолмайди. Дастлабки кундан бошлаб масъулиятни зиммасига олади, унда майдонда ажойиб харизма бор», — дейди Гвардиола.
Жорий мавсумда Фоден барча турнирлар доирасида 17 та ўйинда майдонга тушиб, олти та гол урди ва учта голли узатма амалга оширди.
Насрулло Каримов
Журналист
