Гвардиола «Реал»га қарши қуръа ҳақида: «Энг яхшиларга қарши ўйин бизни кучлироқ қилади»
«Манчестер Сити» жамоаси Чемпионлар Лигасининг 1/8 финал босқичида Мадриднинг «Реал» клуби билан тўқнаш келадиган бўлди. Шу тариқа, ушбу жамоалар кетма-кет бешинчи мавсум ЕЧЛ плей-офф босқичида ўзаро учрашишади.
«Шаҳарликлар» бош мураббийи Пеп Гвардиола навбатдаги «финал олдидан финал» ҳақида ўз муносабатини қуйидагича билдирди:
«Яна «Реал» билан тўқнашувми? Клубимиз шундай ҳисоблайдики, ушбу турнир тарихи энг яхши жамоаларга қарши қанча кўп ўйнасанг, шунча кўп ўрганасан ва рақобатлашасан. Бу эса сени янада кучлироқ қилади», — деди Гвардиола журналистлар билан суҳбатда.
Маълумот учун, «Манчестер Сити» ва «Реал» Европанинг энг нуфузли турнирида шу вақтга қадар 15 марта тўқнаш келишган бўлиб, ушбу ўйинларнинг 12 таси айнан плей-офф босқичига тўғри келади.
Ушбу қарама-қаршиликдаги дастлабки учрашув Мадридда, жавоб ўйини эса Манчестерда бўлиб ўтади.
