Гвардиола: «Оддий вазиятлардан фойдалана олмадик»
Фото: Getty Images
“Манчестер Сити” бош мураббийи Хосеп Гвардиола Англия Премьер-лигасининг 2-турида “Тоттенхэм”га (0:2) қарши баҳсдан сўнг ўз фикрлари билан ўртоқлашди.
“Тоттенхем”га қарши ўйинда худди “Брентфорд” билан бўлганидек кўплаб прессинглар уюштирдик. Назаримда, биз бошқача ўйнашимиз керак эди. Оддий вазиятлардан фойдалана олмадик.
Бу футбол, бундай ҳолатлар бўлиб туради. Бу ҳали мавсумнинг иккинчи ўйини, ҳали олдинда кўплаб учрашувларлар кутиб турибди.
Мен жамоамга ишонаман. Қайси йўналишда кетаётганимизни биламан. Яхши томонларимиз кўп, лекин янада яхшилаш керак бўлган жиҳатларимиз ҳам бор. Аста-секин уларни ҳам тўғрилаймиз”, - дея Гвардиоланинг сўзларидан келтиради BBC.
Розикжон Султонмуродов
Журналист