Гвардиола: «Мен ўзимни ожиз ҳис қилаётганим йўқ»
«Манчестер Сити» бош мураббийи Пеп Гвардиола УЕФА Чемпионлар Лигаси 1/8 финалидан ўрин олган «Реал»га қарши дастлабки учрашувдан (0:3) сўнг Мадрид клуби дарвозабони Тибо Куртуанинг ўйини ҳақида ўз фикрларини билдирди.
«Мен ўзимни ожиз ҳис қилаётганим йўқ. Биз Куртуа жиддий тарзда ўйинга киришишига тўғри келадиган вазиятларни содир эта олмадик. Бироқ неча бор рақиб жарима майдони ичигача етиб бордик, фақатгина сўнгги узатма етишмади. Агар жамоа дарвоза яқинигача етиб борган бўлса, демак, умумий маънода ҳаммасини тўғри бажарган бўлади.
Бизда Куртуа фавқулодда ўйин кўрсатди деган туйғу йўқ. Шунчаки кичик бир детал етишмади. Агар буни уддалаган бўлсак, албатта гол урган бўлардик», — дея Гвардиоланинг сўзларини келтирмоқда Managing Madrid нашри.
Эслатиб ўтамиз, жамоалар ўртасидаги жавоб учрашуви 17 март куни Манчестердаги «Этихад» стадионида бўлиб ўтади.
