Гвардиола мавсум якунида «Манчестер Сити»ни тарк этади

«Манчестер Сити» бош мураббийи Хосеп Гвардиола жорий мавсум якунидан сўнг клубни тарк этади. Бу ҳақда “шаҳарликлар”нинг расмий сайти хабар берди.

Маълум қилинишича, 2016 йил июль ойида жамоа бошқарувини қўлга олган каталониялик мутахассис 10 йиллик фаолияти давомида клуб тарихида улкан из қолдирди. У “Манчестер Сити” билан бирга 20 та йирик совринни қўлга киритиб, клуб тарихидаги энг муваффақиятли мураббийга айланди.

Шу билан бирга, Гвардиола бош мураббийлик лавозимини тарк этса-да, City Football Group билан ҳамкорликни давом эттиради. У глобал элчи сифатида фаолият юритиб, гуруҳга қарашли клубларга техник маслаҳатлар беради ва турли лойиҳаларда иштирок этади.

Розикжон Султонмуродов

Журналист