Гвардиола «Ман Сити»нинг келаси мавсум учун ЙЧЛ йўлланмасини муддатидан аввал қўлга киритгани ҳақида фикр билдирди
«Манчестер Сити» бош мураббийи Пеп Гвардиола жамоасининг келаси мавсум учун ЙЧЛ йўлланмасини муддатидан аввал нақд қилгани борасида ўз фикрларини билдирди.
«Келгуси мавсум учун Чемпионлар Лигасидаги иштирокимизни таъминлаб, улкан қадам ташлаганимиз жуда муҳим, бу клубнинг асосий ва бош мақсадидир. Чунки сўнгги 10 йил давомида биз доимий равишда ушбу мусобақада қатнашиб келмоқдамиз — бу борада Премьер-лигада ҳар йили барқарор иштирок этаётган ягона жамоамиз. Биз бошқа жамоалардан катта фарқ билан ўзиб кетдик, бу ҳали якун эмас, аммо ушбу биринчи қадам ниҳоятда аҳамиятлидир», — деди Гвардиола.
Маълумот учун, «Сити» Англия Премьер-лигасининг кучли тўртлигидан жой олишни кафолатлаб, ўзига хос ноёб серияни давом эттирди: сўнгги ўн йил давомида Англиянинг бошқа ҳеч бир клуби Чемпионлар Лигасида ҳар йили тўхтовсиз иштирок этишга муваффақ бўлмаган.
