Гвардиола «Ман Сити»ни тарк этгач Жаҳон чемпионатида ғолиб бўлмоқчи
«Манчестер Сити» устози Пеп Гвардиола жорий мавсум якунда ўз лавозимини тарк этиши мумкин. The Touchline нашрининг хабар беришича, испаниялик мутахассиснинг клуб даражасидаги фаолиятидан сўнг фақат битта ушалмаган орзуси қолган — у ҳам бўлса Жаҳон чемпионлигини қўлга киритиш.
Гвардиола ҳозирча аниқ бир миллий терма жамоани танламаган, бироқ у халқаро майдонда юқори чўққилар учун кураша оладиган жамоани бошқаришга тайёр.
Эслатиб ўтамиз, Пеп 2016 йилдан буён «шаҳарликлар»ни бошқариб келмоқда. Ўтган давр мобайнида унинг қўл остида клуб 18 та соврин, жумладан, 6 марта Англия чемпионлиги ва Чемпионлар Лигаси ғолиблигини қўлга киритди.
Маълумот учун, испаниялик мутахассиснинг «Манчестер Сити» билан тузган амалдаги шартномаси 2027 йилнинг ёзида якунига етади.
