Гвардиола келажаги ҳақида: «Ҳеч қандай аниқ режам йўқ, фақат дам олмоқчиман»
«Манчестер Сити» бош мураббийи Пеп Гвардиола ўз келажаги ҳақидаги фикрлари билан ўртоқлашди ва яқин орада ўз олдига аниқ бир профессионал мақсадлар қўймаётганини таъкидлади.
«Келажак учун дам олиш ҳамда фарзандларим улғайгунча улар билан бирга ўтказа олмаган вақтимни қоплашдан бўлак ҳеч қандай аниқ режам йўқ. Мен ҳали улгурмаган ва амалга оширишни истаган кўплаб ишларим бор — ҳатто оддий ва «бемаъни» туюладиган нарсалар ҳам шулар жумласидандир», — деди Гвардиола.
Бугун, 24 май куни «Ман Сити» Премьер-лига доирасида «Астон Вилла»га қарши баҳс олиб боради ва бу ўйин Гвардиола учун жамоа бошқарувидаги сўнгги учрашув бўлади.
Маълумот учун, 55 ёшли Пеп Гвардиола «Манчестер Сити»даги 10 йиллик фаолияти давомида клуб билан биргаликда жами 20 та совринни қўлга киритишга муваффақ бўлди.
