Гвардиола: «Чемпионлар Лигасисиз биз тетиқроқ кўринаяпмиз»
«Манчестер Сити» бош мураббийи Пеп Гвардиола Премьер-лиганинг 32-турида «Челси» устидан қўзонилган ишончли ғалабадан (3:0) сўнг ўз фикрларини билдирди.
«Иккинчи бўлим биз учун яхшироқ чиқди. Биринчи бўлим ҳам ёмон бўлмади, бироқ биз режалаштирганимиздек ўйин кўрсата олмадик. Чап қанот орқали бир неча ҳужумлар ташкил этдик, аммо ўнг қанотда деярли хавф ярата олмадик.
Ўнг қанотдаги Жереми Доку — кучли ҳужумкор ўйинчи. Раян Шерки эса баъзида Доннаруммага жуда яқин жойлашиб олди. Бундай иқтидор эгасидан ҳужумнинг якуний учдан бир қисмда — Холанд ва қанот вакиллари билан ёнма-ён позицияларда фойдаланиш керак. Биз тўпни унга етказиб берамиз. Раян ҳали жуда ёш ва АПЛдаги дебют мавсумини ўтказмоқда. У ҳозирнинг ўзидаёқ истиқболли ўйинчи, лекин янада яхшиланишга интилаётгани сезилади.
Чемпионлар Лигасисиз биз тетиқроқ кўринаяпмиз. Ҳамма ўз вазифасини билади. Сўнгги учта ўйинда ЕЧЛда иштирок этаётган жамоаларга қарши майдонга тушдик. Бу баҳсларнинг барчасида 90 дақиқа давомида идеал ўйнадик, деб айта олмайман, лекин етарлича ишончли ҳаракат қилдик ва хавфли вазиятлар ярата олдик», — дея Гвардиоланинг сўзларини келтирмоқда NBC Sports.
Айни дамда «шаҳарликлар» 64 очко билан иккинчи поғонада бормоқда ва битта захира ўйинига эга ҳолда «Арсенал»дан (70) олти очко орқада қолмоқда. «Кўклар» эса 48 очко билан АПЛ турнир жадвалида олтинчи ўринни эгаллаб турибди.
