Гвардиола: «Биринчи бўлимда идеал ўйнамадик»
“Манчестер Сити” бош мураббийи Хосеп Гвардиола “Лидс”га қарши (3:2) ўйиндан сўнг ўз фикрлари билан ўртоқлашди.
“Ҳозирги вазиятда ғалаба қозониш биз учун енгил нафас олишдай бўлди. АПЛнинг қай даражада рақобатбардош эканини яхши тушунамиз. Очиғи, биринчи бўлимда идеал ўйнамадик: бир неча марта тўпни йўқотдик, лекин рақибга бирор зарба беришга имкон бермадик.
Аммо тўрт-бешта аниқ вазият яратганимизни ҳам унутмаслик керак. Ўша пайтнинг ўзида ўйин тақдирини ҳал қилишимизни мумкин эди.
Иккинчи таймда улар тактикани ўзгартириб, 5–3–2га ўтди ва биз гол қабул қилиб олдик. 2:2 ҳисобидан кейин ўйинни кучайтирдик, ҳужумга кўпроқ ўйинчи қўшдик – Мармуш, Фоден, Шерки – ва учинчи гол учун етарли имкониятлар яратдик”, - деди испаниялик мутахассис.
Маълумот ўрнида, ушбу ғалаба орқали Пеп шогирдлари очколари сонини 25 тага етказиб олди ва турнир жадвалида 2-ўринга қичиб олди.
