Gvardiola: «Birinchi bo‘limda ideal o‘ynamadik»
“Manchester Siti” bosh murabbiyi Xosep Gvardiola “Lids”ga qarshi (3:2) o‘yindan so‘ng o‘z fikrlari bilan o‘rtoqlashdi.
“Hozirgi vaziyatda g‘alaba qozonish biz uchun engil nafas olishdek bo‘ldi. APLning qay darajada raqobatbardosh ekanini yaxshi tushunamiz. Ochig‘i, birinchi bo‘limda ideal o‘ynamadik: bir necha marta to‘pni yo‘qotdik, lekin raqibga biror zarba berishga imkon bermadik.
Ammo to‘rt-beshta aniq vaziyat yaratganimizni ham unutmaslik kerak. O‘sha paytning o‘zida o‘yin taqdirini hal qilishimiz mumkin edi.
Ikkinchi taymda ular taktikani o‘zgartirib, 5–3–2ga o‘tdi va biz gol qabul qilib oldik. 2:2 hisobidan keyin o‘yinni kuchaytirdik, hujumga ko‘proq o‘yinchi qo‘shdik – Marmush, Foden, Sherki – va uchinchi gol uchun yetarli imkoniyatlar yaratdik”, - dedi ispan mutaxassis.
Ma'lumot o‘rnida, ushbu g‘alaba orqali Pep shogirdlari ochkolari sonini 25 taga yetkazib oldi va turnir jadvalida 2-o‘ringa chiqib oldi.
