Гвардиола Бернардуни Мессига қиёслади
«Ман Сити» ЙЧЛнинг 3-турида «Вильярреал»дан устун келди.
ФОТО: Getty Images
«Манчестер Сити» бош мураббийи Пеп Гвардиола Чемпионлар лигаси умумий босқичининг 3-турида «Вильярреал»га (2:0) қарши ўйиндан кейин жамоа яримҳимоячиси Бернарду Силвани аргентиналик афсона Лионель Месси билан таққослади. Учрашувда португалиялик футболчи битта голга муаллифлик қилди.
«Эрлинг яна гол киритгани учун хурсандман, лекин Бернардунунг ажойиб бош билан урган зарбаси мени ҳайратда қолдирди. Бу менга бироз Лионель Мессини эслатиб юборди. Улар жуда зўр! Бўйлари паст, аммо бош билан ўйнашда ниҳоятда кучли», — деди Гвардиола.
Эслатиб ўтамиз, «Манчестер Сити» Чемпионлар лигаси умумий босқичининг навбатдаги турида Дортмунднинг «Боруссия» клубига қарши тўқнаш келади. Учрашув 5 ноябр куни бўлиб ўтади.
Насрулло Каримов
Журналист
