Гвардиола: «Барселона» ва «Реал» — мураббийлар учун энг оғир клублар»
«Ман Сити» бош мураббийи Хаби Алонсони қўллаб-қувватлади.
ФОТО: Getty Images
«Манчестер Сити» бош мураббийи Пеп Гвардиола сўнгги натижалар фонида танқидга учраётган «Реал Мадрид» устози Хаби Алонсони қўллаб-қувватлади.
«Мен уни жуда яхши тушунаман, чунки биз икки йил бирга ишлаганмиз ва бу менда ажойиб таассурот қолдирган. Бизда жуда кўп умумий жиҳатлар бор. “Барселона” ва “Реал” — мураббийлар учун энг оғир клублар, энг катта босим айнан шу ерда бўлади. Мен унга фақат энг эзгу тилакларни билдираман, чунки уни чин дилдан ҳурмат қиламан ва қадрлайман», — дейди Гвардиола.
Маълумот учун, Ла Лига доирасидаги сўнгги бешта ўйинда «қироллик клуби» бир марта ғалаба қозонди, бир марта мағлуб бўлди ва уч марта дуранг ўйнади.
Насрулло Каримов
Журналист
