Гвардиола «Астон Вилла»га қарши баҳсда «Сити»даги сўнгги учрашувини ўтказиши мумкин
Испаниялик мутахассис Пеп Гвардиола “Манчестер Сити” бош мураббийлигини Англия Премьер-лигасининг 38-туридан ўрин олган “Астон Вилла”га қарши ўйиндан сўнг тарк этиши кутилмоқда. Бу ҳақда Daily Mail нашри хабар берди.
Манбага кўра, мутахассиснинг кетиши расман 24 май куни тасдиқланиши мумкин. 25 май, душанба куни эса Гвардиоланинг инглиз футболига қўшган ҳиссаси муносабати билан очиқ томли автобусда парад ўтказиш режалаштирилган.
Испаниялик мураббийнинг амалдаги шартномаси яна бир йилга мўлжалланган. Шу боис у клубда бошқа лавозимда фаолиятни давом эттириши эҳтимоли ҳам истисно қилинмаяпти. Унинг ўрнини эгаллаши мумкин бўлган номзодлар сифатида Энцо Мареска ва Винсент Компани кўриб чиқилмоқда.
Айни пайтда “Манчестер Сити” АПЛ чемпионлиги учун “Арсенал” билан курашни давом эттирмоқда. “Канонирлар” 79 очко билан пешқадам бўлиб турибди, “шаҳарликлар” эса улардан 2 очко ортда қолмоқда.
