Гризманн учун талабгор жамоалар сони ошди
Гризманннинг “Атлетико” билан амалдаги шартномаси 2027 йил ёзигача мўлжалланган.
ФОТО: Getty images
“Атлетико” ҳужумчиси Антуан Гризманн фаолиятини бошқа жамоада давом эттириши мумкин. Бу ҳақда журналист Экрем Конур хабар берди.
Манбага кўра, франциялик форвард хизматига учта клуб жиддий қизиқмоқда. Булар “Ал-Ахли” (Саудия Арабистони), “Ал-Ваҳда” (БАА) ва “Шарлотт” (АҚШ) жамоалари номи айтилмоқда. Ушбу учала клуб ҳам франциялик ҳужумчига аниқ таклиф юборган.
Шунингдек, “Интер Майами”, “Лион”, “Ювентус” ва «Галатасарой» ҳам футболчи атрофидаги вазиятни диққат билан кузатиб бормоқда.
Гризманннинг “Атлетико” билан амалдаги шартномаси 2027 йил ёзигача мўлжалланган. Бу мавсум ҳужумчи “матрасчилар” сафида барча мусобақаларда 24 та ўйинда майдонга тушиб, 8 та гол урди ва 1 марта ассист амалга оширди.
Розикжон Султонмуродов
Журналист