Griezmann uchun talabgor jamoalar soni oshdi

“Atletiko” hujumchisi Antuan Griezmann faoliyatini boshqa jamoada davom ettirishi mumkin. Bu haqda jurnalist Ekrem Konur xabar berdi.

Manbaga ko'ra, fransiyalik forvard xizmatiga uchta klub jiddiy qiziqmoqda. Bular “Al-Ahli” (Saudiya Arabistoni), “Al-Vahda” (BAA) va “Sharlott” (AQSh) jamoalari nomi aytilmoqda. Ushbu uchala klub ham fransiyalik hujumchiga aniq taklif yuborgan.

Shuningdek, “Inter Mayami”, “Lion”, “Yuventus” va “Galatasaroy” ham futbolchi atrofidagi vaziyatni diqqat bilan kuzatib bormoqda.

Griezmannning “Atletiko” bilan amaldagi shartnomasi 2027 yil yozigacha mo'ljallangan. Bu mavsum hujumchi “matraschilar” safida barcha musobaqalarda 24 ta o'yinda maydonga tushib, 8 ta gol urdi va 1 marta assist amalga oshirdi.

Roziqjon Sultonmurodov

Jurnalist