Гризманн Саудия чемпионатига йўл олиши мумкин
Фото: Getty Images
"Атлетико" ҳужумчиси Антуан Гризманн фаолиятини Саудия Арабистонида давом эттириши мумкин. Бу ҳақда Fichajes нашри хабар тарқатди.
Маълумотларга кўра, 34 ёшли франциялик ҳужумчига "Ал-Ҳилол" клуби бош мураббийи Симоне Индзаги қизиқиш билдирмоқда.
Саудияликлар Гризманн трансфери учун "матрасчилар"га тахминан 20 миллион евро таклиф қилишга тайёр.
Transfermarkt портали франциялик футболчининг нархини 18 миллион евро деб баҳолаган. Гризманннинг "Атлетико" билан амалдаги шартномаси 2027 йил ёзигача мўлжалланган.
Розикжон Султонмуродов
Журналист