Гризманн «Атлетико»нинг жорий мавсумдаги асосий мақсадлари ҳақида гапирди
«Матрасчилар» ҳозирда Ла Лига турнир жадвалида 4-ўринда бормоқда.
ФОТО: Getty Images
Мадриднинг «Атлетико» клуби ҳужумчиси Антуан Гризманн жамоа олдидаги мақсад бу мавсумда требл — Ла Лига, Испания Кубоги ва УЕФА Чемпионлар лигасини қўлга киритиш эканини айтди.
«Мақсад? Чемпионлик, Чемпионлар лигаси ва Кубокни ютиш. Олдинда ҳали жуда кўп иш бор, мен эса мухлисларимиз ва жамоадошларимни хурсанд қилишни давом эттирмоқчиман», — дея Гризманннинг сўзларини келтиради RMC Sport.
Бугунги кунга келиб, «Атлетико» Ла Лига турнир жадвалида тўртинчи ўринда бормоқда ва пешқадам «Реал»дан 6 очко ортда қолмоқда.
Чемпионлар лигасининг умумий босқич жадвалида эса «матрасчилар» тўртта ўйин якунига кўра 6 очко жамғарган ҳолда 17-ўринда бормоқда.
Насрулло Каримов
Журналист