Гризман тўртинчи бор ота бўлди, лекин...
ФОТО: Getty Images
Мадриднинг “Атлетико” клуби ҳужумчиси Антуан Гризман тўртинчи бор ота бўлди. Бу ҳақда футболчининг ўзи ижтимоий тармоқларда хабар берди.
15-июнь куни Гризманнинг Шай исмли қизи дунёга келди. Бу унинг оиласида 8-апрелда туғилмаган биринчи фарзанди бўлди.
Қизиғи шундаки, футболчининг учта фарзанди: Миа (2016), Амаро (2019) ва Алба (2021) 8-апрель санасида дунёга келган. Бу ҳолат ижтимоий тармоқларда кўплаб ўзига хос мемларга ҳам сабаб бўлган эди.
Маълумот учун, Гризман ўтган мавсум Ла Лигада 38 та ўйинда майдонга тушиб, 8 та гол урди ва 7 та голли узатмани амалга оширди. Унинг “Атлетико” билан тузган амалдаги шартномаси 2027 йилнинг ёзида якунига етади.
Насрулло Каримов
Журналист