Grizman to'rtinchi bor ota bo'ldi, lekin...
FOTO: Getty Images
Madridning “Atletiko” klubi hujumchisi Antuan Grizman to'rtinchi bor ota bo'ldi. Bu haqda futbolchining o'zi ijtimoiy tarmoqlarda xabar berdi.
15-iyunda Grizmanning Shay ismli qizi dunyoga keldi. Bu uning oilasida 8-aprelda tug'ilmagan birinchi farzandi bo'ldi.
Qizig'i shundaki, futbolchining uchta farzandi: Mia (2016), Amaro (2019) va Alba (2021) 8-aprel sanasida dunyoga kelgan. Bu holat ijtimoiy tarmoqlarda ko'plab o'ziga xos memlarga ham sabab bo'lgandi.
Ma'lumot uchun, Grizman o'tgan mavsum La Ligada 38 ta o'yinda maydonga tushib, 8 ta gol urdi va 7 ta golli uzatmani amalga oshirdi. Uning “Atletiko” bilan tuzgan amaldagi shartnomasi 2027-yilning yozida yakuniga yetadi.
Nasrullo Karimov
Jurnalist