Грилиш АҚШга йўл олмайди
Якуний қарор эълон қилингани йўқ
Фото: Getty Images
“Манчестер Сити” ярим ҳимоячиси Жек Грилиш жамоаси билан клублар ўртасидаги жаҳон чемпионатини ўтказиб юбориши мумкин. Бу ҳақда The Athletic хабар берди.
Қайд этилишича, "шаҳарликлар" бош мураббийи Пеп Гвардиола Грилишни АҚШдаги турнирга қўшиши даргумон. Маълумки, Жек Грилиш мавсумни ёмон ўтказди. Футболчи 32 та ўйинда қатнашиб, 3 та гол урди ва 5 та голли узатмани амалга оширди.
29 ёшли Грилишнинг бошқа клубга кетиши мумкинлиги ҳақида миш-мишлар тарқалди. Клублар ўртасидаги жаҳон чемпионати гуруҳ босқичида "Манчестер Сити"нинг рақиблари "Видад" (18 июнь), "Ал-Айн" (23 июнь) ва "Ювентус" (26 июн) бўлади.
Розикжон Султонмуродов
Журналист