Грегор Кобел фаолиятини Англия Премьер-лигасида давом эттириши мумкин
Футбол
Насрулло Каримов
Журналист
ФОТО: Getty Images
Дортмунднинг “Боруссия” клуби дарвозабони Грегор Кобел фаолиятини АПЛда давом эттириши мумкин. Бу ҳақда Footmercato нашри хабар бермоқда.
Манбага кўра, Швейцария терма жамоаси дарвозабонига “Челси” ва “Ньюкасл” қизиқиш билдирмоқда. Қайд этилишича, тез орада томонларнинг вакиллари ўртасида учрашув бўлиб ўтади.
Маълумот учун, Кобел жорий мавсум Бундеслигада 28 та, Чемпионлар Лигасида эса 13 та ўйин ўтказди. Унинг Transfermarktдаги нархи 40 миллион еврога баҳоланмоқда.
