Гранит Жака — «Сандерленд» футболчиси (Романо)
Фото: Getty Images
“Байер” ярим ҳимоячиси Гранит Жака Англия Премьер-лигасига қайтади. Бу ҳақда инсайдер Фабрицио Романо.
Швейцариялик футболчи “Сандерленд” билан 2027 йилгача мўлжалланган шартнома имзолайди.
Клублар келишувга эришишди. Леверкузенликлар 32 ёшли футболчи учун 20 миллион евро олишади.
Жака ўтган мавсумда Бундеслигада 33 та ўйин ўтказиб, 2 та гол урган ва 7 та голга ассистентлик қилган.
Ярим ҳимоячига АПЛ бегона эмас. У 2016-2023 йиллар оралиғида “Арсенал”да ўйнаган.
Баҳром Бобонов
Редактор
