Горецка ёзда АПЛга йўл олиши мумкин
“Бавария” ярим ҳимоячи Леон Горецка фаолиятини АПЛда давом эттирмоқчи.
Bild нашрида келтирилишича, “Арсенал” қишда футболчига таклиф билан чиққан. Бироқ у мавсум якунига қадар Мюнхенда қолишга қарор қилганди.
Ёзда эса у клубни тарк этади ва эркин агент мақомида Англия Премер-лигасига йўл олиши кутилмоқда.
Футболчига "Милан" ҳам даъвогарлик қилмоқда, итальян клуби уни майдон марказининг асосий кучайтирувчиси сифатида кўрмоқда. У ерда маош масаласида инглиз клублари билан рақобатлашиш қийин бўлишини тушунишади, аммо спорт лойиҳаси ва таркибдаги роль кафолатига пул тикишга тайёр.
Футболчининг молиявий талаблари йилига соф 5 миллион евродан ошади ва бонуслар, бу "Милан" учун музокараларни мураккаблаштиради. Горецкага "Арсенал"дан ташқари "Тоттенхэм" ва "Атлетико" клублари ҳам қизиқиш билдирмоқда.
