Горецка бу ёзда «Милан»га ўтмайди

Германия терма жамоаси ярим ҳимоячиси Леон Горецканинг «Милан»га эҳтимолий трансфери амалга ошмайди. Бу ҳақда Tuttomercatoweb хабар берди.

Манбага кўра, 31 ёшли футболчи «россонерилар» билан алоқада бўлган. Бироқ клуб раҳбарияти ва мураббийлар штабидаги ўзгаришлар ушбу трансфернинг амалга ошиш эҳтимолини деярли йўққа чиқарган.

Шу билан бирга, «Ювентус» ҳам Горецкани ўз сафига қўшиб олиш имкониятини муҳокама қилмоқда. Аммо ҳозирча туринликлар бу трансфер устида фаол иш олиб бораётгани йўқ.

Леон Горецканинг сўнгги клуби «Бавария» бўлиб, у 2018 йилдан бери Мюнхен жамоаси шарафини ҳимоя қилиб келган.

Розикжон Султонмуродов

Журналист

0 0 0 0 0 0