Goretzka bu yozda «Milan»ga o'tmaydi
Bu haqida TUTTOmercatoWEB xabar berdi.
ФОТО: Getty images
Germaniya terma jamoasi yarim himoyachisi Leon Goretzkaning "Milan"ga ehtimoliy transferi amalga oshmaydi. Bu haqida Tuttomercatoweb xabar berdi.
Manbaga ko'ra, 31 yoshli futbolchi "rossonerilar" bilan aloqada bo'lgan. Biroq klub rahbariyati va murabbiylar shtabidagi o'zgarishlar ushbu transferning amalga oshish ehtimolini deyarli yo'qqa chiqargan.
Shu bilan birga, "Yuventus" ham Goretzkani o'z safiga qo'shib olish imkoniyatini muhokama qilmoqda. Ammo hozircha turinliklar bu transfer ustida faol ish olib borayotganlari yo'q.
Leon Goretzkaning so'nggi klubi "Bavariya" bo'lib, u 2018 yildan beri Myunxen jamoasi sharafini himoya qilib kelgan.