Горецка «Астон Вилла» билан келишувга эришди

Германиялик ярим ҳимоячи Леон Горецка фаолиятини Англия Премьер-лигасида давом эттиришга яқин.

31 ёшли футболчи «Астон Вилла» билан трансфер бўйича принципиал келишувга эришган. Томонлар Горецканинг эркин агент сифатида бирмингемликлар сафига қўшилиши борасида оғзаки келишувга келган.

Горецка ёзда «Бавария»ни тарк этганидан кейин эркин агентга айланган эди. Энди у Унаи Эмери жамоаси билан шартнома имзолаши кутилмоқда. Футболчи яқин кунларда тиббий кўрикдан ўтади, шундан сўнг битим расмийлаштирилади.

Горецка «Бавария» сафида қарийб саккиз йил ўтказиб, 7 марта Германия чемпиони бўлган ва 2020 йилда Чемпионлар лигасида ғолиб чиққан. У мюнхенликлар таркибида 300 дан ортиқ учрашув ўтказган.

Розикжон Султонмуродов

Журналист

0 0 0 0 0 0