Goretzka «Aston Villa» bilan kelishuvga erishdi
Futbolchi yaqin kunlarda tibbiy ko‘rikdan o‘tadi.
ФОТО: Getty images
Germaniyalik yarim himoyachi Leon Goretzka faoliyatini Angliya Premer-ligasida davom ettirishga yaqin.
31 yoshli futbolchi «Aston Villa» bilan transfer bo‘yicha prinsipial kelishuvga erishgan. Tomonlar Goretzkaning erkin agent sifatida birmingemliklar safiga qo‘shilishi borasida og‘zaki kelishuvga kelgan.
Goretzka yozda «Bavariya»ni tark etganidan keyin erkin agentga aylangan edi. Endi u Unai Emeri jamoasi bilan shartnoma imzolashi kutilmoqda. Futbolchi yaqin kunlarda tibbiy ko‘rikdan o‘tadi, shundan so‘ng bitim rasmiylashtiriladi.
Goretzka «Bavariya» safida qariyb sakkiz yil o‘tkazib, 7 marta Germaniya chempioni bo‘lgan va 2020 yilda Chempionlar ligasida g‘olib chiqqan. U myunxenliklar tarkibida 300 dan ortiq uchrashuv o‘tkazgan.
Roziqjon Sultonmurodov
Jurnalist