Гордон: «Олтин тўп»ни Ямаль ёки Кейн олиши керак»
«Барселона» ҳужумчиси Энтони Гордон жорий йилги «Олтин тўп» учун кечаётган кураш ҳақида ўз фикрларини билдирди. Унинг фикрича, нуфузли соврин Ламин Ямаль ёки Харри Кейнга топширилиши керак.
«Менимча, ютуқлар ҳақида гапирадиган бўлсак, соврин икки футболчидан бирига тегиши керак. Ямальнинг шунча ёшда эришган натижаларига қаранг. У ақлбовар қилмас футболчи. Ҳозир у мутлақо бошқа даражада. 19 ёшида қилаётган ишлари шунчаки ақлга сиғмайди.
Аммо ўтган мавсум ҳақида гапирадиган бўлсак, Кейннинг ҳам бошқаларникидан кам бўлмаган далиллари бор. Чунки унинг мавсуми тарихий аҳамиятга эга бўлди. У урган голлар сони, шунингдек, жаҳон чемпионатида биз учун қилган ишлари... Иккаласининг ҳам ўз фойдасига жиддий далиллари бор. Шунинг учун уларнинг ҳар иккисига ҳам омад тилайман», — дея Гордоннинг сўзларини The Touchline келтирди.
«Олтин тўп» совринини топшириш маросими 26 октябрь куни бўлиб ўтади.
