Гомес: «Ираола билан ишлашни сабрсизлик билан кутяпмиз»
Андони «Ливерпуль» бош мураббийи этиб тайинланган.
ФОТО: Getty images
«Ливерпуль» ҳимоячиси Жозеф Гомес жамоанинг янги бош мураббийи Андони Ираола ҳақидаги илк таассуротлари билан ўртоқлашди.
«Жуда яхши. У ҳақиқатан ҳам жуда яхши инсон сифатида таассурот қолдирмоқда. Унинг "Борнмут"да қилган ишлари ва жамоани қандай ўйин намойиш этишга олиб чиққанини кўриш жуда таъсирли эди.
Ўйлайманки, барчамиз у билан ишлашни сабрсизлик билан кутяпмиз ва унинг келганидан хурсандмиз. Биз янги мавсумни бошлаш учун чанқоқмиз ва катта иштиёқ билан тайёргарлик кўряпмиз», — деди Гомес «Ливерпуль» матбуот хизматига.
Эслатиб ўтамиз, Андони Ираола жорий ёзда «Ливерпуль» бош мураббийи этиб тайинланган.
Унинг бошчилигида «Борнмут» ўтган мавсум Англия Премьер-лигасини 6-ўринда якунлаб, Европа лигаси йўлланмасини қўлга киритган эди.
Розикжон Султонмуродов
Журналист
