Gomes: «Iraola bilan ishlashni sabrsizlik bilan kutyapmiz»
«Liverpul» himoyachisi Jozef Gomes jamoaning yangi bosh murabbiyi Andoni Iraola haqidagi ilk taassurotlari bilan o‘rtoqlashdi.
«Juda yaxshi. U haqiqatan ham juda yaxshi inson sifatida taassurot qoldirmoqda. Uning "Bornmut"da qilgan ishlari va jamoani qanday o‘yin namoyish etishga olib chiqqanini ko‘rish juda ta’sirli edi.
O‘ylaymanki, barchamiz u bilan ishlashni sabrsizlik bilan kutyapmiz va uning kelganidan xursandmiz. Biz yangi mavsumni boshlash uchun chanqoqmiz va katta ishtiyoq bilan tayyorgarlik ko‘ryapmiz», — dedi Gomes «Liverpul» matbuot xizmatiga.
Eslatib o‘tamiz, Andoni Iraola joriy yozda «Liverpul» bosh murabbiyi etib tayinlangan.
Uning boshchiligida «Bornmut» o‘tgan mavsum Angliya Premer-ligasini 6-o‘rinda yakunlab, Yevropa ligasi yo‘llanmasini qo‘lga kiritgan edi.
