Globe Soccer Awards: 2025 йилнинг энг яхши мураббийи учун номзодлар маълум бўлди
Ўтган мавсум ушбу мукофотни Анчелотти қўлга киритганди.
ФОТО: Getty Images
Globe Soccer Awards 2025 йилнинг энг яхши мураббийи номинацияси учун номзодлар эълон қилинди.
Якунда қуйидаги мутахассислар мукофот учун курашади: Хаби Алонсо («Реал»), Микел Артета («Арсенал»), Луис Энрике («ПСЖ»), Ханс-Дитер Флик («Барселона»), Энцо Мареска («Челси») ва Арне Слот («Ливерпуль»).
Энг яхши мураббий мукофоти 2012 йилдан бери тақдим этиб келинмоқда. Аввалроқ ушбу совринни уч марта, жумладан 2024 йилда ҳам Карло Анчелотти қўлга киритган. Шунингдек, мукофотни бир марта қуйидаги мураббийлар ютган: Жозе Моуриньо, Антонио Конте, Марк Вилмотс, Фернанду Сантуш, Зинедин Зидан, Дидье Дешам, Юрген Клопп, Ханс-Дитер Флик, Роберто Манчини ва Пеп Гвардиола.
Globe Soccer Awards маросими 28 декабрь куни Дубайда бўлиб ўтади.
Насрулло Каримов
Журналист