Globe Soccer Awards: 2025 йилнинг энг яхши мураббийи номи учун даъвогарлар эълон қилинди
Globe Soccer Awards талқинига кўра 2025 йилнинг энг яхши мураббийи мукофоти учун якуний номзодлар эълон қилинди.
Соврин учун даъвогарлар қаторидан қуйидаги мутахассислар жой олди: Хаби Алонсо («Реал»), Микел Артета («Арсенал»), Луис Энрике («ПСЖ»), Ханс-Дитер Флик («Барселона») ва Энцо Мареска («Челси»).
Globe Soccer Awards — футбол оламида йил давомида энг катта ютуқларга эришган шахсларни тақдирлашга бағишланган ҳар йили ўтказиладиган нуфузли маросим ҳисобланади. Турли номинациялар бўйича ғолиблар овоз бериш орқали аниқланади.
Ўтган йил якунларига кўра, дунёдаги энг яхши мураббий мукофотини Мадриднинг «Реал» клубини бошқарган Карло Анчелотти қўлга киритган эди. Ҳозирда италиялик мутахассис Бразилия миллий терма жамоасида фаолият олиб бормоқда.
