«Global Boxing Forum» тадбири бўлиб ўтди
Унда Шоҳид Тиллабоев ва Малик Бабаевлар иштирок этишди.
Фото: Boxing Uzbekistan
Бугун жаҳон чемпионати доирасида IBA ташкилоти томонидан “Global Boxing Forum” тадбири ташкил этилди. Унда делегациямиздан, Ўзбекистон бокс федерацияси Бош котиби Шоҳид Тиллабоев ва федерация раиси маслаҳатчиси Малик Бабаевлар иштирок этдилар.
Аҳамиятли томони, Ўзбекистон бокс федерацияси раиси маслаҳатчиси Малик Бабаевнинг “Замонавий боксни ривожлантириш концепцияси” тўғрисида қилган чиқиши 108 та давлат федерацияси вакиллари томонидан кўтарингки руҳда қабул қилинди.
Сўнгги йилларда Ўзбек бокси жаҳон майдонида сезиларли даражада ўсгани, вакилларимизнинг ареналарда биринчиликни қўлдан бой бермаётганликлари таъкидлаб ўтилди.
Розикжон Султонмуродов
Журналист