Гирассига Саудия клубидан катта маош таклиф қилинди
Форварднинг амалдаги меҳнат шартномаси 2028 йилгача мўлжалланган.
ФОТО: Getty images
Дортмунднинг "Боруссия" клуби ҳужумчиси Серу Гирасси фаолиятини Европадан ташқарида давом эттириши мумкин.
Журналист Николо Скиранинг хабар беришича, гвинеялик футболчига Саудия чемпионатидан таклиф бўлган. Аммо клуб номи ошкор қилинмаяпти.
Қайд этилишича, унга йилига 20 миллион евро маош билан уч йиллик шартнома таклиф қилишга тайёр.
Серу Гирасси "Боруссия" сафида 65 та ўйинда 45 та гол урган, шунингдек, футболчи 13 та голли узатмани амалга оширган. Форварднинг амалдаги меҳнат шартномаси 2028 йилгача мўлжалланган.
Розикжон Султонмуродов
Журналист