Girassiga Saudiya klubidan katta maosh taklif qilindi

Dortmundning "Borussiya" klubi hujumchisi Seru Girassi faoliyatini Yevropadan tashqarida davom ettirishi mumkin.

Jurnalist Nikolo Skirani xabariga ko‘ra, gineli futbolchiga Saudiya chempionatidan taklif bo‘lgan. Biroq klub nomi oshkor qilinmayapti.

Ma’lum qilinishicha, unga yiliga 20 million yevro maosh bilan uch yillik shartnoma taklif qilishga tayyor.

Seru Girassi "Borussiya" safida 65 ta o‘yinda 45 ta gol urgan, shuningdek, futbolchi 13 ta golli uzatmani amalga oshirgan. Forvardning amaldagi mehnat shartnomasi 2028 yilgacha mo‘ljallangan.

Roziqjon Sultonmurodov

Jurnalist