Гильермо Очоа ЖЧ-2026 дан сўнг терма жамоадаги фаолиятини якунлайди
Мексика терма жамоасининг афсонавий дарвозабони Гильермо Очоа 2026 йилги жаҳон чемпионатидан сўнг миллий жамоадаги фаолиятини якунлашини тасдиқлади. Бунгача ҳеч бир футболчи турнирнинг олтита мусобақасида иштирок этмаган. Очоа ўз фаолияти давомида миллий жамоа сафида жами 153 та ўйин ўтказиб, уларнинг 63 тасида ўз дарвозаси дахлсизлигини сақлаб қолган.
«Миллий жамоага келсак, бу 100 фоиз аниқ. Ҳозир тўхташ учун энг қулай вақт, чунки менинг исмим аллақачон Лионель Месси ва Криштиану Роналду каби ақл бовар қилмайдиган футболчилар рўйхатида... Клуб футболига келсак, бу ҳақда ўйлаб кўришим керак.
Буни ҳеч ким билмайди, чунки буни телевизорда кўрсатишмайди, лекин мен бу жаҳон чемпионатида ўйнаш учун охирги уч-тўрт йил ичида кўп нарсани қурбон қилдим. Мен Италия, Португалия ва Кипрда бутунлай ёлғиз эдим. Мадридда қолган менга ва оиламга қийин бўлди. Футболдаги шунча йилдан сўнг фикрларимни тартибга солиш учун менга икки-уч йил керак.
Футбол шунақа. Қатардан сўнг мен спортдан кетишга тайёргарлик кўра бошладим, шунинг учун бу мен учун кутилмаган ҳол бўлмайди. Бу осон бўлмайди, лекин мен ўзимни яхши биламан ва ҳеч ким мени ишлашга мажбур қила олмайди. Менда бу эркинлик бор, лекин барибир бир умр футбол ўйнай олмаганимдан афсусдаман», – дея Очоанинг сўзларидан иқтибос келтиради L'Équipe.
