Германиялик футболчи Томас Мюллер «Бавария»ни тарк этмоқда
Германиялик ярим ҳимоячи Томас Мюллер «Бавария»дан кетишга қарор қилди. У клубда 25 йил ўйнаб, 741 та ўйин ўтказган. «Бавария» ўз бюджетига тежамкорлик қилиш мақсадида футболчи билан шартномасини узайтирмасликка қарор қилди. Ҳозирда футболчига Европа ва Осиёнинг бир қатор клублари қизиқиш билдирмоқда. Бироқ 35 ёшли футболчи ўз фаолиятини Америка лигасида давом эттиришга аҳд қилди.
Томас Мюллернинг йиллик маоши 17 миллион еврони ташкил этишини таъкидлаш жоиз.
Футболчи немис клуби тарбияланувчиси ҳисобланади. Мюллер 2009 йилдан бери «Бавария Мюнхен»нинг асосий таркибида тўп сурмоқда. Унинг ҳисобида 247 та гол ва 273 та голли узатма мавжуд. Мюллер 2024/25 йилги мавсумда 34 та ўйинда майдон эгаси бўлиб, бешта гол урди ва бешта голли узатмани амалга оширди.
