Германиялик футболчи Италиянинг “Фиорентина” клуби таклифига жавоб берди
Расм: gettyimages.com Томас Мюллер
Германиялик ҳужумчи Томас Мюллер мавсум якунида “Бавария” клубини тарк этгандан сўнг Италия чемпионатида фаолиятини давом эттириши мумкин эди. Бу ҳақда инсайдер Кристиан Фалк ижтимоий тармоқларда хабар берди. Унинг маълумотига кўра, “Фиорентина” тажрибали форвардга қизиқиш билдирган ва расмий таклиф йўллаган. Аммо Мюллер италияликлар таклифини рад этган.
35 ёшли футболчи 2009 йилнинг июл ойидан буён “Бавария” шарафини ҳимоя қилиб келмоқда. У ёзда эркин агентга айланади. Жорий мавсумда Бундеслигада 26 ўйинда майдонга тушиб, 1 гол ва 5 ассист муаллифи бўлди. Мюллер шунингдек, икки карра Чемпионлар лигаси ғолиби ҳисобланади.
Бакрадзе Иман
Редактор