Tomas Myuller “Fiorentina” taklifini rad etdi
Futbol
Bakradze Iman
Redaktor
Tomas Myuller “Fiorentina” taklifini rad etdi
Germaniyalik hujumchi Tomas Myuller mavsum yakunida “Bavariya” klubini tark etgandan so‘ng Italiya chempionatida faoliyatini davom ettirishi mumkin edi. Bu haqda insayder Kristian Falk ijtimoiy tarmoqlarda xabar berdi. Uning ma'lumotiga ko‘ra, “Fiorentina” tajribali forvardga qiziqish bildirgan va rasmiy taklif yo‘llagan. Ammo Myuller italyanlar taklifini rad etgan.
35 yoshli futbolchi 2009 yilning iyul oyidan buyon “Bavariya” sharafini himoya qilib kelmoqda. U yozda erkin agentga aylanadi. Joriy mavsumda Bundesligada 26 o‘yinda maydonga tushib, 1 gol va 5 assist muallifi bo‘ldi. Myuller shuningdek, ikki karra Chempionlar ligasi g‘olibi hisoblanadi.
