Германиялик дарвозабон Испания Кубоги финали учун «Барселона» таркибига киритилди1

Каталониянинг «Барселона» клуби расмий ижтимоий тармоқларида хабар қилишича, Германиялик дарвозабон Марк-Андре тер Штеген жароҳатдан тўлиқ тикланди ва жамоанинг Мадриднинг «Реал» жамоасига қарши Испания Кубоги финали учун эълон қилинган таркибига киритилди. Учрашув якшанба, 27 апрел куни бўлиб ўтади. Бошланиши - Тошкент вақти билан соат 01:00 да.

32 ёшли тер Штеген 2024 йил сентябридан буён майдонга тушмаган. У Ла Лиганинг 6-турида «Вилярреал»га (5:1) қарши ўйиндан сўнг тиззасидан олган жароҳати — тўртбош суяк чаплаги узилиши — сабабли сафдан чиққан эди. Дарвозабоннинг клуб билан амалдаги шартномаси 2028 йил ёзигача мўлжалланган.

Transfermarkt портали маълумотига кўра, Марк-Андре тер Штегеннинг жорий бозор баҳоси 15 миллион еврога тенг.1

Бакрадзе Иман

Редактор