Германия миллий жамоаси билан жаҳон чемпиони бўлган Дитер Херцог 79 ёшида вафот этди
Германиялик футболчи Дитер Херцог 79 ёшида вафот этди. Бу ҳақда Бундеслиганинг расмий сайтида хабар берилди.
Дитер Херцог 1970 йили Дюсселдорфнинг «Фортуна» жамоасига қўшилган ва қисқа фурсатда клубнинг етакчи футболчиларидан бирига айланган. Олти йил давомида у «Фортуна» сафида 392 та ўйин ўтказган, шундан 253 таси расмий баҳслар бўлиб, Херцог 81 та гол уришга муваффақ бўлган.
Унинг ўйинлари Дюсселдорфдан ташқарида ҳам эътироф топган. 1974 йили Германия миллий жамоаси мураббийи Гельмут Шён уни терма жамоага чақирган ва Херцог ўша йили жаҳон чемпионлигини қўлга киритган таркибнинг бир қисми бўлган.
Кейинчалик у Леверкузеннинг «Байер» клубига ўтган бўлса-да, унинг номи барибир «Фортуна» билан чамбарчас боғлиқ бўлиб қолган. Футболчининг 75 йиллиги муносабати билан клуб уни «Рурдан чиққан, аммо жаҳон чемпионига айланган йигит» дея эъзозлаган — бу таъриф унинг ҳаёт йўли ва характерига тўлиқ ифода беради.
