Геҳи: «Ҳамма Гвардиоланинг жамоада қолишини истайди»
Марк Геҳи «Манчестер Сити» сафида «Челси» устидан (1:0) қозонилган Англия Кубоги финалидан сўнг ўз фикрлари билан ўртоқлашди.
«Мен ҳар бир инсон билан фахрланаман. Клубимиздаги барча бу ғалабага лойиқ. «Кристал Пэлас» билан қўлга киритилган ғалаба бутунлай бошқача ҳис эди — бу менинг илк совриним бўлган. Бу йил эса оғир мавсумдан сўнг ғалаба қозондик, шунинг учун ҳар иккиси ҳам бирдек ажойиб.
2026 йилги жаҳон чемпионатими? Жуда кўп воқеалар бўляпти. Балки менга янги “оёқлар” ҳам керак бўлар! Олдинда қизиқарли давр турибди. Ҳамма Пеп Гвардиоланинг қолишини истайди. У — футбол афсонаси ва мен бу ерга келганимдан бери ундан жуда кўп нарса ўргандим», — деди ҳимоячи.
Қизиғи шундаки, ўтган йилги финалда Геҳининг собиқ жамоаси — «Кристал Пэлас» айнан «Манчестер Сити»ни мағлуб этган эди.
