Гави: «Флик доим ёнимда бўлди, у менга худди отамдек ғамхўрлик қилди»
Испания Ла Лигасининг 28-туридан ўрин олган «Барселона» ва «Севилья» жамоалари ўртасидаги учрашувдан сўнг, мезбонлар яримҳимоячиси Гави жамоа бош мураббийи Ҳанс-Дитер Флик ҳақида ўз фикрлари билан ўртоқлашди. Мазкур баҳсда каталонияликлар 5:2 ҳисобига ишончли ғалабани қўлга киритишди.
«Очиқчасига айтадиган бўлсам, бу давр мен учун жуда оғир кечди. Тикланиш жараёни азобли бўлиб, кун сайин қийналишиб борди. Бугун «Камп Ноу»да бошдан кечирган туйғуларим эса ўзгачадир. Мен жуда бахтлиман.
Флик ҳар доим ёнимда бўлди, у менга худди отамдек ғамхўрлик қилди. Мени доим қўллаб-қувватлагани ва менга ишонгани учун ундан миннатдорман. Унинг жамоамизда яна узоқ вақт қолишига умид қиламан. Мен бор кучимни ушбу клуб учун сарфлайман ва буни бутун умр давом эттираман», — дея Гавининг сўзларини келтиради Marca нашри.
Маълумот ўрнида таъкидлаш жоизки, Гави учрашувнинг 82-дақиқасида хет-трик қайд этган Рафиньянинг ўрнига майдонга тушди. 21 ёшли яримҳимоячи ўтган йилнинг август ойида олган жароҳати сабабли узоқ вақт майдонга тушолмаётган эди.
