Гави «Эльче»га қарши баҳсда жароҳат олди
Футболчи тез орада тиббий кўрикдан ўтади.
ФОТО: Getty images
"Барселона" ярим ҳимоячиси Гави Ла Лиганинг 2-туридан ўрин олган "Эльче"га қарши учрашувда жароҳат олди.
Mundo Deportivo хабарига кўра, 44-дақиқада испаниялик футболчи ўнг оёғида ноқулайлик ҳис қилиб, майдонга йиқилди. Шундан сўнг унга тиббий ёрдам кўрсатиш учун "Барселона" шифокорлари майдонга чиқди.
Тиббий кўрикдан кейин Гави учрашувни давом эттира олмади. 45-дақиқада унинг ўрнига Педри майдонга тушди.
Футболчининг навбатдаги жароҳати қай даражада жиддий экани тиббий текширувлардан сўнг маълум бўлиши кутилмоқда.
Розикжон Султонмуродов
Журналист