Гаттузо — Италия терма жамоаси бош мураббийи
Фото: Getty Images
Италия футбол федерацияси Женнаро Гаттузони бош мураббий сифатида эълон қилди.
47 ёшли мутахассис 19 июн куни расман оммага таништирилади.
5 июнь куни Гаттузо Хорватиянинг “Хайдук” клуби бош мураббийи лавозимини тарк этганди. У мураббийлик фаолияти давомида “Марсель”, “Валенсия”, “Наполи”, “Милан” ва бошқа жамоаларда ишлаган.
2026 йилги жаҳон чемпионати саралаши гуруҳ босқичининг икки туридан сўнг Италия 3 очко тўплаб, 3-ўринни эгаллаб турибди. Июнь ойи бошида Италия миллий жамоасининг аввалги бош мураббийи Лучано Спалетти қониқарсиз натижалар сабаб лавозимини тарк этганди.