Gattuzo — Italiya terma jamoasining bosh murabbiyi
Photo: Getty Images
Italiya futbol federatsiyasi Jennaro Gattuzoni bosh murabbiy sifatida e'lon qildi.
47 yoshli mutaxassis 19 iyun kuni rasmiy ravishda jamoatchilikka tanishtiriladi.
5 iyun kuni Gattuzo Xorvatiyaning “Hayduk” klubi bosh murabbiyi lavozimini tark etgandi. U murabbiylik faoliyati davomida “Marsel”, “Valensiya”, “Napoli”, “Milan” va boshqa jamoalarda ishlagan.
2026 yilgi jahon chempionati saralashi guruh bosqichining ikki turidan so‘ng Italiya 3 ochko to‘plab, 3-o‘rinni egallab turibdi. Iyun oyi boshida Italiya milliy jamoasining avvalgi bosh murabbiyi Luchano Spaletti qoniqarsiz natijalar sabab lavozimini tark etgandi.