Гасперини: «Шомуродовни йўқотганимиздан сўнг, ҳужум чизиғи устида ишлашни сўрагандим, афсуски бу талабим қондирилмади»
«Рома» бош мураббийи Жан Пьеро Гасперини Италия А Сериясининг 32-туридан ўрин олган «Пиза»га қарши ўйиндан (3:0) сўнг, Рим клубининг трансфер сиёсатига норози эканлигини билдирди.
«Трансфер бозорида мен клубга ўзим танимаган исмларни танлашда эркинлик бердим. Мен сўраган футболчилардан ёзда фақат бир нафари (Уесли Франса) келди. Шомуродов ва Салемакерсни йўқотганимиздан сўнг, ҳужум чизиғи устида ишлашни сўраган эдим. Ҳужумни кучайтириш ҳал қилувчи палла эди ва мен доим шу зона даражасини оширишни талаб қилдим. Афсуски, бу амалга ошмади ва бу айрим муаммоларга сабаб бўлди.
Бироқ Ранйери (клуб маслаҳатчиси) билан ҳеч қачон муаммом бўлмаган; бу масалада бизнинг фикримиз бир жойдан чиқади деб ўйлагандим. Мендан аввал танланган учта мураббий? Бу клублар учун одатий ҳол. Мен фақат ўз танловимдан мамнун эканимни айта оламан. Ҳозир олдимизда фақат битта йўл бор, 6 та ўйин қолди. Мен клубда нимадир ҳал қилишим шарт эмас, бор эътиборимни жуда кучли жамоа бўлган «Аталанта»га қарши ўйинга қаратишим керак», — дея Гасперинининг сўзларини келтирмоқда La Gazzetta dello Sport.
Айни дамда «Рома» Италия чемпионати турнир жадвалида 32 ўйиндан сўнг 57 очко жамлаган ҳолда олтинчи ўринни эгаллаб турибди.
