Гасперини \"Рома\" устозига айланиши арафасида
Томонлар музокараларни давом эттирмоқда
Фото: Getty Images
“Аталанта” бош мураббийи Жан-Пьеро Гасперини “Рома”ни бошқариши мумкин. Бу ҳақда журналист Жанлука ди Марцио хабар берди.
Манбага кўра, Гасперини ва “Рома” ўртасида музокаралар давом этмоқада. Томонлар деярли келишувга эришган.
Аввалроқ, Гасперини "Аталанта" билан келажакни муҳокама қилиш учун танаффус қилганди. 67 ёшли мутахассиснинг ўзи “бўрилар"ги бошқаришни истамоқда.
Жан-Пьеро Гасперини 2016 йил ёзидан буён "Аталанта" бош мураббийи лавозимида ишлаб келмоқда.
Якунланган мавсумда клуб А Серияда 3-ўринни эгаллади. Европа Чемпионлар лигасига йўлланма олди.
